ខេត្តបាត់ដំបង ៖ សំណុំរឿងកូនប្រុសលោកឧកញ៉ា ភូ
ពុយ ប្រធានសភាពាណិជ្ជកម្មខេត្តបាត់ដំបង បើករថយន្តឡិចស៊ីស៥៧០
បុករថយន្តធន់ធ្ងន់ទាំងកំរោលស្លាប់
និងរបួសខ្លួនឯងកាលពីចុងខែមករា ២០១៣ នៅស្រុកមោងឫស្សី
ឈានដល់ការប្រឈមមុខដាក់គ្នាយ៉ាងតឹងតែង។
ព្រោះតែភាគីលោកឧកញ៉ាមិនទទួលស្គាល់កំហុស
ហើយបែរជាប្តឹងទាមទារសំណងពីភាគីរងគ្រោះវិញ បើទោះបីដឹង
និងឃើញផ្ទាល់ភ្នែកថា
កូនប្រុសរបស់ខ្លួនបានបើករថយន្តបំពានច្បាប់ចរាចរណ៍ក្តី ។
នេះបើយោងតាមការជួបចរចាគ្នារវាងភាគីទាំង២ កាលពីព្រឹកថ្ងៃទី១៨
កុម្ភៈ ២០១៣
នៅការិយាល័យចរាចរណ៍ផ្លូវគោកស្នងការដ្ឋានខេត្តដែលភាគីលោក
ឧកញ៉ាបញ្ជូនលោកគ្រូបង្រៀនម្នាក់ចូលជាតំណាង ។
មានការកត់សម្គាល់ថា
ការរកដំណោះស្រាយរវាងភាគីទាំង២ខាងលើនេះ
សមត្ថកិច្ចជំនាញជួបការលំបាកយ៉ាងខ្លាំង
ដោយសារតែមានភាពយឺតយ៉ាវពីភាគីលោកឧកញ៉ា ភូ ពុយ ។
សមត្ថកិច្ចជំនាញនិយាយថា ការស្នើអញ្ជើញលើកទី១ និងលើកទី ២
ភាគីលោកភូ ពុយ អះអាងដូចគ្នាថា
នឹងចូលខ្លួនមកដោះស្រាយតាមផ្លូវច្បាប់ តែស្ងាត់ដូចចោរលួចសេះ ។
លុះលើកទី៣ ដែលមានដីកាកោះអញ្ជើញពីលោកសាត គីមសាន
ប្រធានការិយាល័យចរាចរណ៍
ទើបគាត់ចាត់តំណាងម្នាក់ឱ្យចូលមកចរចាជាមួយភាគីម្ខាងទៀតដែល
រង់ចាំដោះស្រាយស្ទើរគ្រប់ពេលនៅព្រឹកថ្ងៃទី១៨ កុម្ភៈ ២០១៣ ៕
No comments:
Post a Comment